Týysqanynyń úıine urylardy ákelgen: Almatyda qaraqshylar ustaldy
ALMATY. KAZINFORM – Megapolıstiń «Dostyq» yqshamaýdanyndaǵy úı túngi ýaqytta tonalǵan. Úıge túsken urylar aqsha men gaz tapanshasyn alyp ketken.
Polıtsııa departamenti úıdi tonaǵan 4 kúdikti qylmystyń izi sýymaı ustalǵanyn habarlady.
— Bul qylmysty ashý maqsatynda jedel-tergeý toby quryldy. Tórt kúdikti ustalyp, qamaýǵa alyndy. Olardyń arasynda úı ıeleriniń jaqyn týysy bar. Aldyn ala málimet boıynsha, kúdiktilerdiń ekeýi buryn múliktik qylmys jasaǵany úshin sotty bolǵan. Ustalǵandardyń jeke basy yqtımal qylmystarǵa qatysy bar-joǵyna tekserilip jatyr, — dedi Áýezov aýdandyq polıtsııa basqarmasynyń bastyǵy Ulan Ábilqaıyr.
Aıta keteıik, QR QK-niń 201-babyna sáıkes ózge aqparat tergeý múddesine oraı jarııa etilmeıdi.
Konstıtýtsııanyń 77-baby 3-bólimi 1-tarmaǵy, QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.
