Týysymen sózge kelgen elordalyq 16 jasar boıjetken kópirden sekirmek boldy

ASTANA. KAZINFORM –   Elordalyq polıtseıler kópirden sekirmek bolǵan qyzdy qutqaryp qaldy. Bul týraly Polisia.kz jazdy.

—102 arnasy arqyly kezekshi bólimge «Arhar» kópirinde bir qyzdyń turǵany týraly habar tústi. Boıjetkenniń oılanbaı áreket jasaýy múmkin degen kúdik boldy. Oqıǵa ornyna dereý patrýldik polıtsııa qyzmetkerleri jiberildi. Jaǵdaıdy patrýldik polıtsııa polkiniń ınspektorlary polıtsııa kapıtany Dýlat Idrısov pen polıtsııa aǵa leıtenanty Jalǵasbek Abdýalıev baqylaýǵa aldy. Olar esh kidirmesten avtokólikten túsip, qyzben sóılesýge kiristi. Polıtseıler ony sabyrǵa shaqyrýǵa tyrysty, — delingen habarlamada.

Belgili bolǵandaı, 16 jastaǵy qyz týystarymen urysyp, emotsııalyq kúızelis saldarynan kópirden sekirmek bolǵan. Tártip saqshylarynyń taktıkalyq áreketiniń arqasynda qaıǵyly oqıǵaǵa jol berilmedi. Keıinnen ol ata-anasyna tapsyrylyp, qajetti psıhologııalyq kómek kórsetildi.

Eske sala keteıik, buǵan deıin Semeıde túnde kópirden qulaǵan adam araldan tabylǵanyn jazǵan bolatynbyz.