Týǵanyńnyń amandyǵyn tileseń toı-tomalaqtan bas tart – ánshi Serik Rysbek
ALMATY. QazAqparat – Qazaqstanda búginnen bastap karantındik sharalar jeńildetilip, kásiporyndar jumysy qaıta jandandy. Desek te, qaýip áli seıilgen joq. Osyǵan oraı Pavlodar oblystyq fılarmonııasynyń ártisi, Halyqaralyq baıqaýlardyń laýreaty Serik Rysbek qazaqstandyqtardy sanıtarlyq talaptardy oryndaýǵa shaqyrdy, dep habarlaıdy QazAqparat tilshisi.
Serik Rysbektiń aıtýynsha, koronavırýs ınfektsııasynyń aldyn alý eń aldymen, ózimizge baılanysty. Ár ádam sanıtarlyq talapqa úlken jaýapkershilikpen qarýy kerek. Koronavırýs – jas talǵamaıtyn, eshkimdi aıamaıtyn dert. Sondyqtan barynsha abaı bolǵan abzal.
«Qurmetti qazaqstandyqtar! Búgingi tańda adamzat álemin ábigerge salyp jatqan myna dert bizdiń eldi de aınalyp ótpegenin bárimiz bilemiz. Osy oraıda bul indet qansha qazaqtyń uly tulǵalaryn, óner maıtalmandary men ár qazaq otbasyndaǵy jaqyndaryn alyp ketti. Arda aǵaıyn jaqsylyq pen jamandyqtyń qatar júretinin eskere otyryp, elimizde 17 tamyzdan bastap karantınniń jeńildetilgen túrin bárimiz tıimdi paıdalanaıyq»,– deıdi ánshi.
Sondaı-aq, ol ázirshe toı-tomalaqtan bas tarta turýǵa shaqyrdy.
«Ár otbasy týǵanynyń amandyǵyn tilese toı-tomalaqtan, jıyn keshterden bas tartyp, sabyrlyq pen keler kúnniń jaqsylyǵyna úmit artýy kerek»,– dep qortyndylady ol.
