Týǵan jerge týyńdy tik: jergilikti ınvestorlar Abaı oblysyn qalaı qoldap jatyr

ASTANA. KAZINFORM — Oblys ákimi óńirdiń 9 aı ishindegi áleýmettik-ekonomıkalyq damýy týraly esebinde jergilikti ınvestorlardyń úlesine toqtaldy. 

— Bıyl maýsymda «Týǵan jerge týyńdy tik» degen ataýmen jerlesterdiń basyn qosyp forým ótti. Ol jerge biraz ınvestor kelip, qarjy salýǵa kelisim berdi, 15 kelisimge qol qoıdyq. Sonyń nátıjesinde 336 mlrd teńge kóleminde ınvestıtsııa tartyldy, — dedi Berik Ýálı ortalyq kommýnıkatsııalar qyzmeti alańynda ótken baspasóz máslıhatynda.

Óńir basshysynyń aıtýynsha, oblysta qaltaly azamattar barshylyq. 

— Eń bastysy olardyń árqaısysymen jeke-jeke kelisim júrgizip, tilin tabý kerek. Mysaly, «Pana» qonaq úı jelisiniń qurylysy osy aıda aıaqtalyp, paıdalanýǵa beriledi, bul jeke ınvestorlardyń kómegimen salynyp jatyr. Sondaı-aq jeke ınvestordyń qarjysyna úlken saýda úıiniń qurylysy bastaldy, qurylys toqtap qalǵan sony qaıtadan jalǵastyryp jatyr. Odan keıin aǵaıyndy Muqashevter et kombınatyn ashqaly jatyr, bul da jeke ınvestorlardyń qarjysy. Óz tarapymyzdan jerles ınvestorlardy tartyp, jumys istep jatyrmyz, — dep tolyqtyrdy Berik Ýálı.

Abaı oblysynda 159,9 myń sharshy metr turǵyn úı paıdalanýǵa berildi.

Aıta ketsek, Semeıde jańa jylý elektr ortalyǵyn salý boıynsha jedel jumys toby quryldy. 

Abaı oblysynda jyl sońyna deıin 10 aýyl ınternetke qosylady. 

Sondaı-aq Berik Ýálı Semeıde ónerkásip óndirisin keńeıtýge 500 gektar jer bólinetinin málim etti. 

Belgili bolǵandaı jyl sońynda deıin Abaı oblysynda 255 jumys ornymen qamtıtyn 7 joba júzege asyrylady. 

Sonymen qatar oblys ákimi Alakóldiń týrıstik jáne ınvestıtsııalyq áleýetine qatysty túsinik berdi.

Buǵan deıin habarlaǵanymyzdaı bıyl Abaı oblysynda ınvestıtsııa tartý 103,1 paıyzǵa ósken.