«Týǵan jerge taǵzym»: Qyzylorda oblysynda tórt baıqaýdyń jeńimpazdary marapattaldy

QYZYLORDA. QazAqparat - Qyzylorda oblysynda oblystyq ishki saıasat basqarmasynyń tapsyrysymen «Rýhanııatty qoldaý» qoǵamdyq qory «Týǵan jerge taǵzym» jobasy aıasynda tórt baıqaý jarııalaǵan bolatyn. Búgin   jeńimpazdar saltanatty túrde marapattaldy, dep habarlaıdy QazAqparat tilshisi.

Elbasynyń maqalasyndaǵy «Patrıotızm - kindik qanyń tamǵan jerińe, ósken aýlyńa, qalań men óńirińe, ıaǵnı týǵan jerińe degen súıispenshilikten bastalady» degen sózdi negizge ala otyryp, jastar arasynda otansúıgishtikti qalyptastyrý, jas fotosýretshilerdiń sheberligin shyńdaýǵa jáne qoǵamdaǵy saıası turaqtylyqty damytýǵa yqpal jasaý - baıqaýdyń maqsaty. Sonymen birge Qyzylorda jastarynyń shyǵarmashylyq áleýetin damytý, arttyrý, qoǵamnyń jalpy mádenıetin kórkem óner tárbıesi arqyly kóterý, syr óńiriniń tabıǵatynyń erekshelikterin kórsetý .

«Syr óńiriniń tabıǵaty» taqyrybyndaǵy beınebaıqaý nátıjesinde  1-oryndy Qýan Islam, 2-oryndy Muhanbetjan Erdos, 3-oryndy Janbaeva Madına ıelendi.

«Syr óńiriniń tabıǵaty» taqyrybyndaǵy fotobaıqaý qorytyndysynda 1-oryndy Nurman Azamat, 2-oryndy Kenjebaeva Tańsholpan, 3-oryndy Seıitova Aqerke ıelendi.

«Ataýlar syr shertedi» taqyrybyndaǵy úzdik post jarııalaý baıqaýyna túsken materıaldardy  irikteý kezinde qazylar alqasy 1-oryndy Nurgúl Isabekqyzyna, 2-oryndy Aısha Ahmetbekke, 3-oryndy Aıda Muhtarovaǵa berdi.

«Týǵan jer estelikteri» taqyrybyndaǵy esse onlaın-konkýrsynyń nátıjesinde 1-oryndy Erbolat Tursynqoja, 2-oryndy Gúlzat Ermekqyzy, 3-oryndy Anar Qaınazarova aldy. 

Barlyq jeńimpazdar baǵaly syılyqpen marapattaldy.