11:56, 15 Qazan 2017 | GMT +6
Týǵan jer: Aqmolalyq kəsipker týǵan aýylyna shaǵyn fýtbol alańyn salyp berdi
KÓKShETAÝ. QazAqparat - Aqmola oblysy Esil aýdanynyń turǵyny «Týǵan jer» baǵdarlamasy sheńberinde týǵan aýylynda jasandy jamylǵysy bar shaǵyn fýtbol alańyn salyp berdi, dep habarlaıdy QazAqparat tilshisi.
Internatsıonalnyı aýylyndaǵy orta mekteptiń janynan ashylǵan sport alańynyń qurylysyn Qazymbek Aqmaǵambetov basqaratyn «Shyńǵys han» JShS qolǵa alǵan. Osy maqsatta seriktestik esebinen 10 mıllıon teńge qarjy bólingen.
Nysannyń ashylý saltanatyna aýdan ákimi Amanbek Qaljanov qatysyp, quttyqtaý sóz sóıledi.
Eske sala keteıik, Internatsıonalnyı selolyq okrýginde 671 turǵyn bolsa, onyń 161 jastar. Sondyqtan qazirgi zamanǵa saı jabdyqtalǵan jańa shaǵyn fýtbol alańy aýyl jastarynyń buqaralyq sportpen shuǵyldanýyna zor septigin tıgizbek.
Kásipker Qazymbek Aqmaǵambetov ótken jyly osy aýylda muz aıdynyn da ashqan bolatyn. Igi isteri osymen shektelmeı kəsipker mektep mańyndaǵy bos jatqan jer telimin de shaǵyn saıabaq aınaldyrýdy josparlap otyr.
