Týǵan jer: Aqmola oblysynyń kásipkerleri bas qosty

KÓKShETAÝ. QazAqparat - Aqmola oblysynyń Zerendi aýdanynda «Syıladym saǵan, Týǵan jer!» atty forýmy ótti. Shara «Rýhanı jańǵyrý» baǵdarlamasyn qoldaý aıasynda bıznes jəne agroónerkásiptik qurylym basshylarynyń qatysýymen ótti, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.

Kýropatkıno aýylyndaǵy «Dıhan Plıýs» JShS bazasynda uıymdastyrylǵan forým qatysýshylary mektep, balalardyń oıyn alańy, demalys saıabaǵy, hokkeı korty, balabaqshany aralap, aýyl turǵyndarynyń ómirin óz kózderimen kórdi.
 

Forýmda «Dıhan Plıýs» JShS dırektory Rafıt Amırdınov aýyldy damytý týraly sóz qozǵady.

«Otandy súıip, qurmetteý tek sózben ǵana shektelmeýi kerek. Іsińmen dəleldeý qajet. Biraq ol úlken kúsh-jigerdi qajet etedi. Biz eń kishkentaı aýyl turǵyndary úshin oıyn alańyn saldyq. Sondaı-aq, keńse ǵımarattary kúrdeli jóndeýden ótkizildi, kishigirim dámhana úshin aýmaq bólindi. Onda aýyl turǵyndary túrli is-sharalar ótkize alady. Josparlar kóp, árıne, olardy júzege asyramyr», - dedi Rafıt Amırdınov.