Týǵan jer: Aqmola oblysynda birqatar áleýmettik nysandar salyndy
«Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasyn basshylyqqa ala otyryp, oblys ákimdiginiń qoǵamdyq sanany jańǵyrtý baǵdarlamasyn júzege asyrý jónindegi bastamasymen aýdanda «Týǵan jer baǵdarlamasy» aıasynda «Atameken» kishi baǵdarlamasy qolǵa alynyp, birneshe baǵyttar boıynsha is-sharalar atqarylýda», - dedi Malǵajdar Tátkeev óńirlik kommýnıkatsııalar qyzmetinde ótken brıfıngte.
Aýdan ákiminiń aıtýynsha, «Týǵan jer» arnaıy jobasynyń «Atameken» kishi baǵdarlamasy - «Jergilikti bastamalar kartasy» jáne «Jomart júrek» sheńberinde aýdan ortalyǵy Aqmola aýylynda «Rýhanı jańǵyrý», «Belsendi kópjasaý ortalyǵy», «Otbasy ortalyǵy», sport alańy jáne kópbeıindi kort sııaqty birqatar áleýmettik nysandar boı kóterdi. Múmkindigi shekteýli jandarǵa arnalǵan Monessorı kabıneti bar tulǵany damytý ortalyǵy, «Barlyǵy rahmet úshin» qaırymdylyq dúkeni ashyldy. «Rýhanı jańǵyrý» saıabaǵynda «Uly dalanyń uly esimderi» alleıasy, 13 Eńbek eri dańq alleıasy ashylyp, Tselınograd aýdandyq ólketaný murjaıynyń qurylysy bastaldy»,- deıdi ákim.
Brıfıngte aıtylǵandaı, aýdanda «Kıeli jerler» arnaıy jobasy da oıdaǵydaı júzege asyrylýda.
«Qabanbaı aýylynda Dostyq ortalyǵy ashyldy. Taıtóbe aýylynda jergilikti turǵyndar etnoaýyl uıymdastyrdy. Saıası-qýǵyn súrginge ushyrǵan musylman áıelderdiń qurmetine «Analar rýhy» meshiti salyndy. Pravaslavl shirkeýi murajaıynyń irgesi qalanýda. 2017 jyldyń kúzinde elimizge tanymal tarıhshy-etnograf Jambyl Artyqbaev bastaǵan etnologııalyq ekspedıtsııa barysynda Qabanbaı jáne Kóbek batyrlardyń, Aqmola ýeziniń aǵa sultany Ybyraı Jaıyqpaevtyń, Qyryqbaı áýlıe jerlengen oryndar men keseneler týraly qyzyqty materıaldar jınastyryldy. Búgingi kúni óńirdiń tabıǵı ásem jerleri – Maılantaý tóbesi men Sarykól tuzdy kóline kelýshiler sany artty», - deıdi aýdan basshysy.
Sonymen qatar, aýdan ákimi «Týǵan jer» rnaıy jobasy boıynsha júzege asyrylǵan birqatar naqty sharalarǵa toqtaldy.
