Týǵan ulyn pyshaqtap óltirgen ana sot úkimin kútip otyr
QOSTANAI. QazAqparat - Óz ulyn óltirgen qostanaılyq sot aldynda jaýap beredi, dep habarlaıdy QazAqparat tilshisi oblystyq sottyń baspasóz qyzmetine silteme jasap.
46 jastaǵy áıelge qatysty qylmystyq is QR QK 99-baby (Kisi ólimi) boıynsha qaralýda. Vedomstvoda málim etilgendeı, oqıǵa 2017 jyldyń 31 jeltoqsanynda túnde bolǵan.
«Kúdikti áıel 25 jastaǵy ulymen Jańa jyldy qarsy alyp, ishimdik ishedi. Tańǵy saǵat 08:00 shamasynda uly anasynan spırttik ishimdik alatyn aqsha talap etken. Óz kezeginde anasy qarsylyq tanytqan. Ashýlanǵan uly anasyn ashana shkafy turǵan jaqqa ıterip jibergen», - delingen oblystyq sottyń habarlamasynda.
Munan soń áıel ústelden pyshaq alyp, ulyn qorqytqan. Sondaı-aq, oń jaq qolyna pyshaq suǵyp alǵan. Sodan keıin keýde tusyna pyshaqpen soqqy jumsady. Saldarynan uly oqıǵa ornynda qaza boldy.
