Týǵan ulyn balǵamen uryp óltirgen qostanaılyqqa qatysty úkim shyqty
QOSTANAI. QazAqparat - Qostanaı oblysynyń Jitiqara qalasynda otbasylyq janjaldan soń zeınetker óz ulyn balǵamen uryp mert qyldy, dep habarlaıdy QazAqparat tilshisi oblystyq sottyń baspasóz qyzmetine silteme jasap.
Іs materıaldaryna súıensek, otbasylyq urys-keristen soń 45 jastaǵy er adam 76 jastaǵy anasyn tabamen birneshe ret urǵan. Munan soń ol 78 jastaǵy ákesi Sh.-ǵa zábir kórsetedi. Ákesi ózin qorǵaý maqsatynda balǵamen ulynyń basyna birneshe soqqy jumsaıdy. Aýyr dene jaraqaty saldarynan uly oqıǵa ornynda kóz jumdy.
«Jitiqara aýdandyq sotynyń sheshimimen 1940 jyly týǵan Sh. QR QK 102-baby boıynsha aıypty dep tanyldy. Oǵan 1 jyl shartty túrde bas bostandyǵynan aıyrý jazasy taǵaıyndaldy. Osy ýaqyt aralaǵynda sottalýshyǵa probatsııalyq baqylaý ornatylady», - delingen oblystyq sot taratqan habarlamada.
Sot úkimi zańdy kúshine engen joq.
