Týǵan nemeresin óltirgen qylmyskerge úkim shyǵaryldy
QARAǴANDY. QazAqparat - Óziniń úsh jasar týǵan nemeresin óltirdi dep aıyptalǵan qaraǵandylyq azamatqa úkim shyǵaryldy, dep habarlaıdy «QazAqparat» HAA tilshisi.
Qaraǵandy oblysy, Shet aýdany, Derbisáli kentinde turatyn 39 jastaǵy Vıtalıı Tagovskıı óz kinásin moıyndady. 3 jasar nemeresin mastyqpen pyshaqtap óltirip alǵan ol, jaǵdaıdyń qalaı bolǵanyn ózi de bilmeıtinin, jasaǵan qylmysy úshin qatty ókinetinin aıtty.
Qylmyskerge úkim oqyǵan aımaqtaǵy qylmystyq ister boıynsha aýdanaralyq sotynyń sýdıasy Bekzat Shalǵymbaev, sottalýshy eshqandaı keshirimge laıyq emestigin aıtty.
Sottalýshy Qylmystyq kodekstiń 99 babynyń ekinshi bólimi boıynsha kináli dep tanylyp, 19 jylǵa bas bostandyǵynan aıyryldy. Qylmysker jazasyn qaýiptiligi tómen túzetý mekemelerinde óteıdi.
