Týǵan qyzyn pyshaqtap tastaǵan qostanaılyq qamaýǵa alyndy
QOSTANAI. QazAqparat - Mas kúıinde týǵan qyzyna pyshaq suǵyp alǵan qostanaılyq áıelge qatysty sotqa deıingi tergeý júrgizilip jatyr, dep habarlaıdy QazAqparat oblystyq ІІD baspasóz qyzmetine silteme jasap.
Atalǵan fakt boıynsha, QR QK 106 babymen sotqa deıingi tergeý sharalary bastalǵan. Biraq, vedomstvoda málimdegendeı, qylmystyq is basqa bap boıynsha tergelmek.
«Qazir QR Qylmystyq kodeksiniń 24-baby 3-bóligi jáne 99-baby 1-bóligimen (adam óltirýge oqtalý) sotqa deıingi tergeý sharalary júrgizilip jatyr», - dep habarlady oblystyq ІІD baspasóz hatshysy Irına Bejenar.
Eske salsaq, qaıǵyly oqıǵa Qostanaı qalasynda 7 qańtar kúni saǵat 16-30-dar shamasynda bolǵan.
32 jastaǵy áıel mas kúıinde 13 jasar qyzyna pyshaq salǵan. Aýyr dene jaraqattaryn alǵan bala oblystyq balalar aýrýhanasyna jetkizildi.
Al oblystyq balalar aýrýhanasynyń bas dárigeriniń mindetin atqarýshy Igor Belobrjıtskıı balanyń asqazany men ókpesine qatty zaqym kelgenin aıtqan bolatyn. Qazir bala esin jıdy. Jaǵdaıy birqalypty.
