Týǵan kúninde lotereıa bıletin syıǵa alǵan amerıkalyq $1 mln utyp aldy
ASTANA. KAZINFORM – AQSh-tyń Illınoıs shtatynda 40 jasqa tolǵan er adam dosy syılaǵan lotereıa bıletinen 1 mln dollar utyp aldy. Bul týraly illinoislottery.com saıty jazdy.
Breıdvýd qalasynyń aty-jónin jarııalamaýdy jón kórgen turǵyny týǵan kúnin atap ótip jatqanda, dosy oǵan birneshe lotereıa bıletin syılaǵan. Olardyń birindegi alty sannyń barlyǵy utys kombınatsııasymen sáıkes kelgen. Er adam jubaıymen birge Illınoıs lotereıasynyń júlde berý ortalyǵyna barǵan kezde ǵana shynymen mıllıon dollar utqanyn bilgen.
Otbasy utystyń bir bóligin Florıdaǵa dástúrli jyl saıynǵy saparyna jumsamaq. Sondaı-aq jańa avtokólik pen golf-kar satyp alýdy josparlap otyr.
Buǵan deıin Vırdjınııa shtatynyń turǵyny bir utys oıynyna birdeı nómirlermen 20 lotereıa bıletin satyp alyp, 100 myń dollar utyp alǵan edi.
Aıta keteıik, buǵan deıin Florıda turǵyny lotereıadan 800 mln dollar utyp alǵan edi.
Al Frantsııada Pıkasso kartınasy lotereıa oınatý arqyly satylmaq.
