Týǵan kúndi toılaýǵa jınalǵan bir top adamnan 5 qarý tárkilendi - ІІM
TALDYQORǴAN. QazAqparat – Almaty oblysynda týǵan kúndi myltyq atyp atap ótpek bolǵan 19 adam ustaldy, dep habarlaıdy QazAqparat QR ІІM baspasóz qyzmetine silteme jasap.
Krımınaldyq polıtsııa departamentiniń málimetinshe, Almaty oblysynyń krımınaldyq polıtsııa qyzmetkerleri «Aqsý aýdanynda qarýy bar bir top adam jınalady» degen jedel aqparat alǵan.
Sol jerge jedel-tergeý toby men polıtsııanyń arnaıy bólinisteriniń qyzmetkerleri attanady.
«Qapal aýylynyń shetinde ornalasqan Kishi Shymbulaq eldi mekeninde 5 avtomashınamen kelgen 19 adam ustaldy. Olar mánerlep syrǵanaýshynyń biriniń týǵan kúnin merekeleý úshin jınalǵan. Oblys ortalyǵynyń turǵyndaryna tıesili «Toıota Kamrı 50» jáne «Leksýs 330» markaly avtokólikterdi tekserý kezinde 4 travmatıkalyq tapansha, 1 atys qarýy jáne 43 patron tárkilendi», delingen habarlamada.
Qarý men oq-dárilerdi zańsyz saqtaý faktileri boıynsha sotqa deıingi tergeý bastaldy. Sot-ballıstıkalyq saraptama taǵaıyndaldy.
«Tótenshe jaǵdaı kezinde karantın rejımin buzǵany úshin 19 adamǵa qatysty ákimshilik hattama jasaldy, materıaldar ustalǵandardyń turǵylyqty jeri boıynsha sot qaraýynda jiberildi», delingen habarlamada.
Ustalǵan 4 adamnan atys qarýy alynyp, ýaqytsha ustaý ızolıatoryna qamaldy.
