«Týǵan elge taǵzym» ekspedıtsııasyna qatysýshylar Batys Qazaqstanda boldy
ORAL. QazAqparat - Quramynda Nur-Sultan jáne Qaraǵandy qalalaryndaǵy Nazarbaev zııatkerlik mektepteriniń shákirtteri bar «Týǵan elge taǵzym» ólketaný-zertteý ekspedıtsııasy Batys Qazaqstan oblysynda boldy, dep habarlaıdy QazAqparat tilshisi.
Bıyl jas zııatkerler Batys Qazaqstandy «Rýhanı jańǵyrý - jas urpaqtyń baǵdary» atty taqyryp aıasynda aralady. Olar bir apta boıy óńirdegi arheologııalyq qorymdarǵa saıahat jasap, «Batys Qazaqstandaǵy Alash arystary» taqyrybynda arhıvtegi qujattarmen tanysty, óndiristik oryndarda boldy. Sonymen qatar Qazaqstannyń jalpyulttyq kıeli oryndary qataryna engen Jaıyq qalashyǵy, Taqsaı qorǵan kesheni, Jumaǵazy haziret kesenesi, Kúnbatys Alashordasy nysandaryn óz kózimen kórdi.
Ekspedıtsııa quramyna ótken oqýjylynda úzdik nátıje kórsetken shákirtter alynady. Joba maqsaty - belgili bir aımaqty taný, zertteý.
Ekspedıtsııa barysynda meımandar Oraldaǵy Nazarbaev zııatkerlik mektebi ǵımaraty jáne qalanyń eń kórnekti jerlerimen tanysty. Ekskýrsovodtar óńirdiń kóne shejiresi men búgingi kelbeti jaıyn áńgimelep berdi.
M.Ótemisuly atyndaǵy Batys Qazaqstan memlekettik ýnıversıtetinde oqýshylar tarıh ǵylymdarynyń doktory Murat Sydyqovpen suhbattasty. Professor ekspedıtsııa múshelerine Batys Qazaqstan arheologııasynyń ótkeni men búgingi damýy týraly keńinen áńgimelep berdi.
Saıahatshylar oblys ortalyǵynan 12 shaqyrym jerdegi ortaǵasyrlyq Jaıyq qalashyǵynda kóne dáýir elesin kórgendeı boldy. Ataqty «Taqsaı hanshaıymyn» taýyp, Qazaqstan tarıhyn tolyqtyrýǵa úlken úles qosqan arheolog ıAna Luqpanova Jaıyq qalashyǵy, Taqsaı qorǵan kesheniniń tarıhı mańyzy, bolashaqtyń enshisindegi jumystar týraly aıtypberdi. Jas ólketanýshylarǵa, ásirese, arheologtyń eńbek joly, arheologııalyq jumystar kezindegi qyzyqty sátteri erekshe áser etti.
Dál osy ýaqytta oraldyq on eki úzdik zııatker Qaraǵandy qalasyndaǵy ekspedıtsııa quramynda boldy.
Qatysýshylar ekspedıtsııa qorytyndysy boıynsha ǵylymı maqala, esse jazady. «Týǵan elge taǵzym» ekspedıtsııasynyń ár kúni tanymdyq baǵyttaǵy qyzǵylyqty sharalarǵa toly boldy.
