Týǵan anasy men ájesin óltirgen qaraǵandylyq úıdi jaryp jibermek boldy
QARAǴANDY. QazAqparat -Qaraǵandy oblysy Abaı qalasynyń 30 jastaǵy turǵyny turmystyq gaz ballonyn jaryp, jasaǵan qylmysyn jasyrmaq bolǵan, dep habarlaıdy «QazAqparat» HAA tilshisi.
1987 jylǵy er adam Abaıdaǵy úshinshi shaǵyn aýdandaǵy úıde anasy men ájesimen urysyp qalyp, olardy pyshaqtap, páterdi órtegen.
«Jas jigit gaz ballonyn jaryp jiberý arqyly qylmysyn jasyrmaq bolǵan. Ol janyp jatqan bólmege ballondy alyp kelip, páterden shyǵyp ketken. Qandy qylmysker basqa páterlerdegi beıkúná adamdardyń qaza tabýy múmkin ekenin oılamaǵan. Kórshilerdiń qyraǵylyǵy bolmaǵanda, qurbandar sany kóp bolýshy edi», - dedi sol kireberiste turatyn Olga Svıdenko.
Abaı aýdandyq sotynyń aqparaty boıynsha, kúdikti 1987 jyl týǵan, esh jerde jumys istemeıdi. Sot oǵan qatysty eki aıǵa «qamaýǵa alý» týraly bultartpaý sharasyn qabyldady. Qylmysker 15 jylǵa deıin deıin bas bostandyǵynan aıyrylýy múmkin.
