Týdyń sýreti bar ishkıim kıip shyǵý oqıǵalary erejeniń bolmaýynan - maman
«Qazaqstanda memlekettik sımvoldardy qaıda jáne qalaı qoldanýǵa bolatynyn naqty kórsetetin biryńǵaı sheshimder men júıeli usynystar joq ekendigin atap ótkim keledi», - dedi ol jıyn barysynda.
Onyń sózinshe, sonyń kesirinen sportshylar týdyń sýreti bar ishkıim kıip shyqqany sııaqty túrli yńǵaısyz oqıǵalar oryn alyp jatyr.
«Olar bir jaǵynan qaı eldiń sportshylary ekendikterin, patrıottyq sezimderin kórsetse, ekinshi jaǵynan ózgeleri ony basqasha qabyldap jatyr. Sondyqtan Reseı tájirıbesi negizinde usynys engizgim keledi. Olarda sımvoldardy qoldanýdyń naqty ádistemelik usynystary men erejeleri bar. Bizge de sondaı erejeler engizilý kerek», - dep atap ótti ol.
Aıta keteıik, jıyn barysynda sarapshylar, sımvoldardy resmı qoldanýdyń erejeleri bekitilgenimen, ókinishke oraı, resmı emes jaǵdaılarda memlekettik sımvoldardy qaı kezderi qoldanýǵa bolmaıtynyn naqty kórsetetin qaǵıdalar joq ekendigin atap ótken bolatyn.
