«Túbirtekti talap et – júldeni utyp al!» aktsııasynda jeńimpaz atanǵan qaraǵandylyqqa kólik syıǵa tartyldy

NUR-SULTAN. QazAqparat - QR Qarjy mınıstrliginiń Memlekettik kirister komıtetinde respýblıkalyq deńgeıde bas júldesi avtokólik bolǵan «Túbirtekti talap et – júldeni utyp al!» aktsııasy boıynsha utys oıyny ótkizildi, dep habarlaıdy QazAqparat Kirister komıtetiniń baspasóz qyzmetine silteme jasap.

«Túbirtekti talap et – júldeni utyp al!» aktsııasy «Atameken» UKP-nyń qoldaýymen Memlekettik kirister komıtetimen aǵymdaǵy jyldyń 21 tamyzynan 30 qarashasyna deıin Wipon kompanııasynyń mobıldi qosymshasyn paıdalaný arqyly júrgizildi.

Atalǵan kezeńde qatysýshylarmen 2, 739 mlrd teńge somaǵa shamamen 500 myń onlaın BKM chegi jiberildi.

Aktsııaǵa qatysýshylar arasynda aqshalaı utys oıyny kún saıyn ótkizilip, 3 512 jeńimpaz anyqtaldy, olardyń uıaly telefon teńgerimderine 5 000 teńgege deıin aqshalaı qarajat jiberildi.

Bul rette barlyq jiberilgen onlaın BKM chekteri aktsııanyń basty júldesi – avtokólik utys oıynyna qatysqan.

«Túbirtekti talap et – júldeni utyp al!» aktsııasynyń bas júldesiniń jeńimpazy, avtokólik ıegeri – Qaraǵandy oblysynyń turǵyny Ponomareva Tatıana. Ol barlyǵy 8000-nan asa chek jibergen. Al utys cheginiń somasy bar joǵy 999 tg.

QR Qarjy mınıstrligi Memlekettik kirister komıteti tóraǵasynyń orynbasary Talǵat Mamaev jeńimpazdy quttyqtady.