«Túbirtekti talap et te - júldeni utyp al!» naýqany bastaldy
Qazaqstan Respýblıkasy Qarjy mınıstrliginiń Memlekettik kirister komıteti QR Ulttyq kásipkerler palatasynyń qoldaýymen ótetin kezekti respýbltkalyq naýqan ótkizýde. Bul shara azamattyq belsendilikti arttyrý, tutynýshylardyń zańdy múddelerin qorǵaý, kóleńkeli ekonomıkanyń mólsherin qysqartý, sondaı-aq kásipkerler arasynda ádil básekelestikti yntalandyrý maqsatynda uıymdastyrylyp otyr.
Uıymdastyrýshylardyń sózine súıinsek, Memlekettik kirister komıteti qıymdastyryp otyrǵan naýqanǵa kez kelgen Qazaqstan azamaty qatysa alady. Bul úshin oǵan tutynǵan taýar nemese qyzmet úshin berilgen fıskaldy chektiń sýretin «Wipon» mobıldi qosymsha (Googleplay nemese Appstore) arqyly jiberý qajet.
Atalmysh aktsııa 1-shi mamyrda bastaldy jáne aǵymdaǵy jyldyń 30 qarashasyna deıin ótkiziledi. Al utys óz kezeginde aı saıyn oınatylady. ıAǵnı, barlyq oblystar men Astana jáne Almaty qalalarynda aı saıyn júldelerdiń utysy men olardy tabystaý ótedi. Bas fınal, qalyptasyp qalǵan dástúr boıynsha jyldyń aıaǵynda Memlekettik kirister komıtetiniń ǵımaratynda ótedi. Onda baǵaly júldeler, onyń ishinde bas júlde de utysqa salynady.
Utys jeńimpazdary túbirtekti kezdeısoq tańdaý ádisimen anyqtalatyn bolady. Bir qyzyǵy, qazaqstandyq azamat qanshalyqty kóp túbirtek jiberse, onyń júldeni utyp alý múmkindigi de sonshalyqty óse túspek.
2015 jyly basty syılyq «Chevrolet» markaly avtomobıliniń ıegeri Shyǵys Qazaqstan oblysynyń turǵynyna tapsyrylǵan bolatyn. Sol jyly aktsııa respýblıka boıynsha 1-sáýirden 30-qarasha aralyǵynda ótkizildi. Uıymdastyrýshylardyń aıtýynsha, ótkizilip otyrǵan aktsııanyń qorytyndysy boıynsha qatysýshylar 2014 jylmen salystyrǵanda 2015 jyl ishinde ósken. Jeke kiris salyǵy boıynsha kiris kózderiniń salyq salynbaıtyn kirisi 115,3 % (249 834,0 myń teńge) ulǵaıdy. Tirkelgen baqylaý-kassalyq mashınalar boıynsha 193,4 paıyzǵa artqan.
2016 jyly jeńimpaz chek ıesi Petropavl qalasynyń turǵyny bolyp shyqty. Chevrolet markaly avtokóliktiń ıesine 596 teńgeniń chegi júlde syılaǵan. Aıta keteıik, sol jyly naýqanǵa 27 myńdaı qazaqstandyq qatysyp, «Wipon» mobıldi qosymshasy arqyly memlekettik kirister organdaryna 1,5 mln. asa fıskaldy chek jibergen.
Uıymdastyrýshylardyń aıtýy boıynsha, ádettegideı, bıyl jeńimpazdardy anyqtaý úrdisiniń ashyqtyǵy men obektıvtiligin qamtamasyz etý úshin árbir oblys pen Astana jáne Almaty qalalarynda, sondaı-aq Memlekettik kirister komıtetiniń janynda arnaıy komıssııa toptary qurylady. Olardyń quramy kásipkerler qaýymdastyǵy, úkimettik emes uıymdar men buqaralyq aqparat quraldarynyń ókilderinen turatyn bolady.
Aıta ketý kerek, byltyrǵy jyldan bastap naýqan tolyqtaı avtomattandyryldy. Endi turǵyndar óz chekterin biryńǵaı mobıldi qosymshanyń kómegimen júzege asyrady. «Wipon» kompanııa dırektorynyń aıtýy boıynsha, «Wipon» qosymshasy barlyq qoldanýshylar úshin tegin jáne kez-kelgen adamnyń qoldanýyna yńǵaıly formatta usynalady. Mysaly, utqan jaǵdaıda qatysýshynyń smartfonyna avtomatty túrde habarlama keledi.
QR Qarjy mınıstrliginiń Memlekettik kirister komıteti QR Ulttyq kásipkerler palatasynyń qoldaýymen «Túbirtekti talap et te - júldeni utyp al!» naýqany elimizde birneshe ret ótkizilip, oń nátıjelerin berýde.
