«Túbirtekti talap et» aktsııasy: Qaraǵandylyq avtokólik utyp aldy

NUR-SULTAN. QazAqparat – «Túbirtekti talap et – júldeni utyp al!» aktsııasynda qaraǵandylyq avtokólik utyp aldy. Bul týraly QazAqparat Memlekettik kirister komıtetine silteme jasap habarlaıdy.

«Túbirtekti talap et – júldeni utyp al!» aktsııasy «Atameken» UKP-nyń qoldaýymen Memlekettik kirister komıtetimen aǵymdaǵy jyldyń 21 tamyzynan 30 qarashasyna deıin Wipon kompanııasynyń mobıldi qosymshasyn paıdalaný arqyly ótkizildi.Atalǵan kezeńde qatysýshylarmen 2, 739 mlrd teńge somaǵa shamamen 500 myń onlaın BKM chegi jiberildi.Chekterdiń eń kóp sanyn Qostanaı, Qaraǵandy oblystary men Almaty qalasy turǵyndarymen jiberilgen. Aktsııaǵa qatysýshylar arasynda júldeler utys oıyny kún saıyn ótkizilip, 3 512 jeńimpaz anyqtaldy, olarǵa 5 000 teńgege deıin uıaly telefon teńgerimine aqshalaı qarajat jumsaldy», - delingen habarlamada.

«Túbirtekti talap et – júldeni utyp al!» aktsııasynyń bas júldesin Qaraǵandy oblysynyń turǵyny Ponomareva Tatıana utyp aldy. Oǵan kóliktiń kilti tabys etildi. Ol barlyǵy 8000-nan asa chek jibergen. Al utys cheginiń somasy bar joǵy 999 teńge.

Aıta ketsek, bul aktsııa azamattyq belsendilikti arttyrý, taýarlardyń, jumystardyń jáne qyzmetterdiń tutynýshylary retinde óz múddelerin qorǵaý máselelerinde azamattardyń quqyqtyq mádenıetin tárbıeleý, kóleńkeli ekonomıkanyń mólsherin qysqartý, sondaı-aq kásipkerler arasynda ádil básekelestikti yntalandyrýǵa baǵytalǵan.