Týberkýlezge shaldyqqandardyń sanyn azaıtý boıynsha jumystar jasalyp jatyr
ASTANA. 1 naýryz. QazAqparat - Búgin Vıtse-premer E.Orynbaevtyń tóraǵalyq etýimen Densaýlyq saqtaý jónindegi ulttyq úılestirý keńesiniń penıtentsıarlyq júıede AITV-ınfektsııasy jáne týberkýlezben syrqattanýshylyq kórsetkishterin tómendetý
máseleri boıynsha kezekti otyrysy bolyp ótti, dep habarlaıdy QR Densaýlyq saqtaý mınıstrliginiń baspasóz qyzmeti.
Keńes jumysyna Іshki ister mınıstrliginiń, oblys, Astana jáne Almaty qalalary ákimderiniń orynbasarlary, úkimettik emes jáne halyqaralyq uıymdardyń, sondaı-aq basqa da múddeli organdar men uıymdardyń basshylary qatysty.
«Salamatty Qazaqstan» memlekettik baǵdarlamasy sheńberinde 2011 jyldan beri azamattyq sektorda jáne penıtentsıarlyq júıede týberkýlez jáne AITV/JITS profılaktıkasy, dıagnostıkalaý jáne emdeý, qural-jabdyq, dári-dármek satyp alý, kadrlardy oqytý boıynsha is-sharalar júzege asyrylýda.
Respýblıkada jalpy týberkýlezben syrqattanýshylyq jáne odan ólim-jitimniń kórsetkishteriniń tómendegeni baıqalady. 2010 jyly týberkýlezben syrqattanýshylyq kórsetkishteri 100 myń turǵynǵa shaqqanda 8,9%-dan 95,3-ke, 2011 jyly - 86,8-ge tómendedi. Ólim-jitim 23,6%-ǵa tómendedi jáne 2010 jylmen salystyrǵanda 100 myń turǵynǵa shaqqanda 10,6-dan 8,1 quraıdy.
2012 jyly QR Іshki ister mınıstrliginiń qoldaýymen qylmystyq atqarý júıesi mekemelerinen bosatylǵan týberkýlezge shaldyqqan naýqastardy ýaqtyly dıspanserlik esepke alý boıynsha azamattyq densaýlyq saqtaý sektorymen sektoraralyq ózara árekettesý jolǵa qoıylyp, birlesken jospar júzege asyrylýda.
Respýblıkadaǵy epıdemıologııalyq jaǵdaıdy jáne sottalǵandardyń epıdemıologııalyq protsesti damytýdaǵy rolin baǵalaý úshin ulttyq deńgeıde 2005 jyldan beri toptyń minezdemesin alýǵa, AITV-ınfektsııasyna qatysty qaýipti tájirıbelerdi aıqyndaýǵa múmkindik beretin sholǵynshy epıdemıologııalyq qadaǵalaý júrgizilýde. 2011 jyly sholǵynshy epıdemıologııalyq qadaǵalaý respýblıkanyń 14 óńirindegi 75 túzetý mekemeleriniń 41-de ótkizildi.
Qazirgi kezde respýblıkada AITV/JITS profılaktıkasy baǵdarlamasy boıynsha sottalǵandardyń, tergeý kezinde tutqyndalǵandardyń, jeke quramnyń, medıtsına qyzmetkerleriniń oqytylýy uıymdastyrylýda.
AITV ınfektsııasynyń profılaktıkasy boıynsha is-sharalar halyqaralyq uıymdardyń ((ıÝNEIDS, ıÝNODS, PRI jáne JITS, týberkýlez ben bezgekpen kúres jónindegi ǵalamdyq qor) qoldaýymen ótkiziledi. Olardyń tarapynan penıtentsıarlyq júıede konsýltatsııalyq kómek, aqparattyq aǵartýshylyq qoldaý kórsetilip, medıtsınalyq qyzmetkerler úshin semınarlar men trenıngter, bostandyqqa shyǵatyn sottalǵandar úshin áleýmettik súıemeldeý uıymdastyrylýda.
Jalpy elimizde AITV-ınfektsııasy boıynsha epıdemıologııalyq ahýaldyń turaqtylyǵy saqtalýda.
Qylmystyq atqarý júıesi mekemelerinde AITV-ınfektsııasy jáne týberkýlezben aýrýy boıynsha epıdemıologııalyq ahýal shuǵyl sharalar qabyldaý qajettiligin talap etedi. Azamattyq qoǵam jáne memlekettiń birlesken is-áreketteri azamattyq jáne penıtentsıarlyq sektorda AITV-ınfektsııasy jáne týberkýlez syrqattanýshylyq kórsetkishterin tómendetýge múmkindik beredi.
