Týberkýlezge shaldyǵý kórsetkishi Astana qalasy boıynsha 13,1 paıyzǵa tómendegen
ASTANA. 3 naýryz. QazAqparat /Aınur Kenebaeva/ - Týberkýlezge shaldyǵý kórsetkishi Astana qalasy boıynsha 13,1 paıyzǵa tómendegen.
Bul týraly búgin Astanada ótken týberkýlezdiń aldyn-alý men emdeý máselelerin arqaý etken baspasóz konferentsııasynda Týberkýlezge qarsy dıspanserdiń bas dárigeri Roza Júsipova málim etti.
Týberkýlezge qarsy qyzmet jáne alǵashqy medıtsınalyq kómek kórsetý salasynyń medıtsına qyzmetkerleriniń keseldi dertpen kúres sharalary nátıjesinde 2010 jyldyń qorytyndysy boıynsha jaǵymdy kórsetkishterge qol jetkizildi. Sharalar legi eń aldymen qala halqy arasynda týberkýlez dertiniń taralýyn múmkindiginshe tejeý men jaǵdaıdy qadaǵalaý isine baǵyttaldy.
Roza Júsipovanyń málimdeýinshe, 2010 jyldyń qorytyndysy boıynsha týberkýlezge shaldyǵý kórsetkishi Astana qalasy boıynsha 13,1 paıyzǵa tómendegen. Atalmysh dert saldarynan týyndaıtyn ólim sany sońǵy bes jylda eki esege azaıǵan. Jas óspirimder arasynda aýrýdyń taralý kórsetkishi 21,5 paıyzǵ, balalar arasynda 7,7 paıyzǵa tómendegen.
