Týberkýlezdiń ashyq túrimen aýyrǵan muǵalim balalarǵa sabaq bergen
AQTÓBE. QazAqparat - Aqtóbe qalasyndaǵy aqyly qosymsha sabaq beretin bilim ordasynyń muǵalimi týberkýlezdiń ashyq túrine shaldyqqan. 20 jastaǵy muǵalimmen baılanysta bolǵan balalar endi medıtsınalyq tekserýden ótedi, dep habarlaıdy QazAqparat tilshisi.
Aqtóbe qalasyndaǵy «Darına» oqý ortalyǵynyń aǵylshyn tili páninen sabaq beretin ustaz qurt aýrýyna shaldyqqan. Muny estigen ata-analar bilim berý ortalyǵyna sanıtarlyq tazalyq jumystary júrgizilmegenin, sabaqtar ýaqytsha toqtatylmaǵanyn aıtyp shaǵymdandy. Biraq oqý ortalyǵy ǵımarat ishine zalalsyzdandyrý jumystary júrgizilgenin aıtyp otyr.
«Bizge sanıtar mamandar kelip, ǵımarat ishin zalalsyzdandyrý jumystaryn aıtty. Talap boıynsha dezınfektsııa jasaldy. Men jaýapkershilikti sezinip, ata-analarǵa habarlaýdy jón sanadym. Biraq «habardy ýchaskelik dárigerler beredi, sizdiń jumysyńyz emes» dep eskertý jasady»,- dedi oqý ortalyǵynyń basshysy Irına Averıanova.
Jas maman bar bolǵany úsh apta sabaq berdi. Aǵylshyn tilin oqyp júrgen balalardyń 112-si osy muǵalimnen dáris alǵan. Dárigerler balaǵa aýrýdyń juqqanyn nemese juqpaǵanyn anyqtaý qıynǵa soǵatynyn jasyrmady. Sebebi, týberkýlez ýaqyt óte kele anyqtalýy múmkin.
«Aldaǵy ýaqytta qan alý, rengenge túsirý jumystary júrgiziledi. Zár analızi alynyp, balalarǵa mantý salynady. Muǵalim týberkýlezdiń ashyq túrine shaldyqqan»,- dedi Aqtóbe oblystyq medıtsına ortylyǵy bas dárigeriniń orynbasary Lázzat Rsalıeva.
Qazir naýqas oblystyq týberkýlezge qarsy kúres dıspanserinde em qabyldap jatyr.
«20 jastaǵy aqtóbelik 2 aqpan kúni emhanaǵa baryp, 10 kún boıy em qabyldady. Qyzýy kóterilip, keýde tusy aýyrǵan kezde dárigerler pnevmotsııa dep emdedi. Dári qabyldaǵan soń ftızıatorǵa jiberildi. Keıin oǵan týberkýlez dıagnozy qoıyldy. Shyn máninde aýrý belgisi endi ǵana anyqtaldy»,- dedi Aqtóbe oblystyq týberkýlezge qarsy kúres dıspanseriniń bas dárigeri Erlan Tátimov.
