Týberkýlezdiń ashyq túrimen aýyratyn 3 qostanaılyq kúzetshini uryp ketti
QOSTANA. QazAqparat - Qostanaıda týberkýlezge qarsy dıspanserdiń emdelýshileri kúzetshini uryp-soǵyp, onyń baǵaly zattaryn kúshpen alyp ketken, dep habarlaıdy QazAqparat tilshisi.
Oqıǵa Rýdnyı qalasynda bolǵan. Týberkýlezdiń ashyq túrimen aýyratyn úsh patsıent dıspanser qaraýylyn uryp, onyń «LG» markaly uıaly telefonyn tartyp áketken. Sondaı-aq, kúzetshiniń 43 myń teńgesin de qoldy qylyp, belgisiz baǵytqa ketip qalǵan. Jábirlenýshi polıtsııanyń kezekshi bólimine habarlasady. Іz kesken tártip saqshylary kúdiktilerdi Qostanaı qalasy men Taran aýdanynan ustaǵan. Olar Rýdnyı qalasyndaǵy ýaqytsha ustaý ızolıatoryna qamaldy. Urlanǵan zattar ıesine qaıtaryldy.
Taǵy bir urlyq faktisi 8 qazanda Qostanaı qalasynda tirkelgen. Saǵat 01:00 shamasynda Qasymqanov kóshesiniń boıynda belgisiz bireýler 31 jastaǵy er adamdy uryp-soǵyp, qalta telefonyn tartyp alǵan. Munymen qosa buzaqylar jábirlenýshiniń 2000 teńge qarajatyn da jymqyrǵan.
Polıtseıler kúdiktilerdi «izin sýytpaı» ustaǵan. Atalǵan fakt boıynsha QR QK 191-babymen («Tonaý») sotqa deıingi tergeý sharalary júrgizilýde.
