Týberkýlezben kúreste jańa qadamdar qajet - ǵalymdar pikiri
ASTANA. 25 naýryz. QazAqparat - Halyqaralyq ǵalymdar toby týberkýlezben kúreste jańa qadamdar kerek ekenin málimdedi.
Bul týraly VVS habarlady.
Lancet atty brıtandyq medıtsınalyq jýrnaldaǵy maqalada ǵalymdar atalǵan indet boıynsha qater tıisti deńgeıde baǵalanbaı otyrǵanyn aıtady. Sebebi, bul derttiń emdelmeıtin túrleri paıda bolýda jáne buǵan antıbıotıkter múldem áser te almaıdy eken.
Olardyń eskertýine qaraǵanda, Shyǵys Eýropa men Ortalyq Azııanyń keıbir óńirlerinde týberkýlezge shaldyqqan jaǵdaıdyń úshten bir bóligine deıin em-dom áreketteri qaýqarsyz bolyp jatady.
Maqala avtorlarynyń biri, Londonnyń ýnıversıtettik kolledjiniń professory Alýmýddın Zýmla týberkýlezdi emdeýge arnalǵan antıbıotıkterdiń jańa túri ázirlengenin, alaıda olardy durys paıdalaný kerektigin, ásirese ómir súrý deńgeıi tómen elderde bul qaǵıdalar esten shyqpaýyn eskertip otyr.
