Týberkýlezben kúres kúnine oraı Almatyda bakterıologııalyq zerthana men jańa oqý ortalyǵy ashyldy
/strong>Naýryzdyń 25-i. QazAqparat /Ádilet Musahaev/ - Almatyda dúnıejúzilik týberkýlezben kúres kúnine oraı QR densaýlyq saqtaý mınıstrligi týberkýlez problemalary ulttyq ortalyǵynda ulttyq referens - bakterıologııalyq zerthana men jańa oqý ortalyǵynyń ashylý saltanaty ótti,
dep habarlaıdy QazAqparat.
Atalmysh ortalyqtar AQSh damý agentiginiń (USAID), búkilálemdik densaýlyq saqtaý uıymy men elimizdiń týberkýlez problemalary ulttyq ortalyǵynyń qarjylaı kómeginiń nátıjesinde ashylyp otyr.
QR DM týberkýlez problemalary ulttyq ortalyǵynyń dırektory, medıtsına ǵylymynyń doktory, professor Shahımurat Ismaılovtyń aıtýynsha, búgingi ashylǵan zerthana halyqaralyq standarttarǵa saı. «Bul zerthana sońǵy úlgidegi apparattarmen jabdyqtalǵan. Osy jabdyqtar arqyly aýrýdy jedel anyqtap, dıagnostıkalyq ádisti qoldaný arqyly 1-2 kúnde dıagnoz qoıa alamyz. Bul apparattarmen jumys isteý úshin aldyn ala mamandardy Germanııadan oqyttyq», deıdi dırektor.
Sondaı-aq ol búgin ashylǵan oqý ortalyǵynda elimizdiń basqa oblystarynan kelgen mamandar óz bilimin jetildiretindigin jetkizdi. «Elimiz boıynsha mamandardy osy tehnologııaǵa úıretip, bilimderin jetildire tússek, týberkýlezge qarsy kúresimiz kúsheıedi», deıdi Sh.Ismaılov.
