Týberkýlezben aýyratyn 20-dan astam jambyldyq májbúrli em qabyldaýǵa jiberildi

TARAZ. QazAqparat -Qalalyq prokýratýra em-domnan bas tartqan tulǵalardy anyqtaý jumystaryn júrgizýde, dep habarlaıdy QazAqparat tilshisi qadaǵalaýshy organnyń baspasóz qyzmetine silteme jasap.

«Taraz prokýratýrasy týberkýlezdiń ashyq túrimen aýyratyn tulǵalardyń statsıonar jaǵdaıynda em alýdan bas tartyp, saý adamǵa juqtyrý qaýpin arttyrǵanyn anyqtady, - dedi qala prokýrory Bekzat Seıilhanov. - Statıstıkaǵa súıensek, Qazaqstan boıynsha emnen bas tartqan jáne oqshaýlanýy tıis 327 naýqas anyqtaldy, Jambyl oblysy boıynsha 21 syrqat májbúrli em qabyldaýǵa jiberildi».

Taraz prokýratýrasy oblys ortalyǵyndaǵy jaǵdaıdy jaqsartý jóninde jobalardy ázirledi. «Memleketke zalalsyz sotqa deıingi tergeý» jobasy qylmystyq tergeý organdary protsessýaldy sheshim qabyldaǵansha shyǵyndy óndirip alý jolymen memleketke keletin zalaldy azaıtýǵa múmkindik beredi», dep atap ótti Bekzat Seıilhanov.