Týbdıspanser basshysy kóz jumǵan dárigerlerdi eske alý aktsııasynyń maqsatyn túsindirdi
Áleýmettik jelide Prezıdent jarııalaǵan jalpyulttyq aza tutý kúni koronavırýs qurbandaryn eske alýǵa arnalǵan dárigerlerdiń kóshedegi únsizdik aktsııasy keńinen taralyp jatyr. Bul is-áreketti synǵa alyp jatqandar da joq emes.
«Osy oraıda Shymkent qalasynda ornalasqan Túrkistan oblystyq týberkýlezge qarsy dıspanseri ujymynyń atynan resmı túrde málimdeımin: atalmysh shara - Ulttyq medıtsına qaýymdastyǵynyń tóraıymy Aıjan Begaıdarqyzy Sadyqovanyń barsha medıtsına qyzmetkerlerine tastaǵan úndeýin qoldaý maqsatynda, sum indetpen kúresip kóz jumǵan barsha áriptesterimizdiń rýhyna taǵzym etý úshin jasaǵan bizdiń ortaq sheshimimiz» deıdi Túrkistan oblystyq týberkýlezge qarsy dıspanseriniń bas dárigeri Bolat Saǵymbekov.
Onyń aıtýynsha, dárigerler qaýymy aty jaman aýrýmen arpalysyp júrip qaıtys bolǵan qanshama mamannan, áriptes-dostan, qyzmettes joldastarynan aıyrylǵan.
«Olar kóz aldymyzdan ketse de, júregimizde qaldy. Sondyqtan da, aza tutý kúni olardyń rýhyna taǵzym etip, eske alýdy ózimizdiń áriptestik paryzymyz dep bilemiz. Olardyń árbiri osyndaı qurmetke laıyq dep sanaımyz. Óz kezegimde, bul sharany uıymdastyrýǵa jergilikti ákimdiktiń de, ortalyq bılik oryndarynyń da eshqandaı qatysy joq ekenin jetkizemin» dep túıindedi sózin Túrkistan oblystyq týberkýlezge qarsy dıspanseriniń bas dárigeri.