Tý ustaýshy sportshy Azııa oıyndarynan ne kútetinin aıtty

ASTANA. QazAqparat - Azııa oıyndarynda Qazaqstan ulttyq quramasynyń týyn ustaıtyn boksshy Ábilhan Amanqul (75 kg) dúbirli dodadan ne kútetini týraly aıtty, dep habarlaıdy «SPORTINFORM» SAA.

«Kóńil kúıimiz tamasha, qazir biz Azııa oıyndaryna qyzý daıyndyq ústindemiz. Azıadada osal qarsylas bolmaıdy. Al kim myqty ekenin sol jerde anyqtaımyz. Jankúıerlerge rahmet, sizderdi qýanta alamyz dep oılaımyn», - dedi Amanqul.

Qazir Ábilhan Amanqul Astanada ulttyq qurama komandanyń basqa múshelerimen birge Azııa oıyndary aldyndaǵy sońǵy jattyǵýlaryn ótkizip jatyr.

Jazǵy Azııa oıyndary Indonezııada 18 tamyzdan 2 qyrkúıekke deıingi aralyqta ótedi.