Tý men Eltańbany daıyndaýǵa lıtsenzııany berý tolyǵymen elektrondyq formatqa aýystyryldy
Osyǵan oraı, «Qazaqstan Respýblıkasy Indýstrııa jáne jańa tehnologııalar mınıstrligi tehnıkalyq retteý jáne metrologııa salasynda kórsetetin memlekettik qyzmetterdiń standarttaryn bekitý týraly» Qazaqstan Respýblıkasy Úkimetiniń 2012 jylǵy 31 tamyzdaǵy № 1129 qaýlysymen «Qazaqstan Respýblıkasynyń Memlekettik Týyn jáne Qazaqstan Respýblıkasynyń Memlekettik Eltańbasyn daıyndaý úshin lıtsenzııa berý, qaıta resimdeý, lıtsenzııa tólnusqalaryn berý» memlekettik qyzmet standarty bekitildi. Bul týraly mınıstrliktiń baspasóz qyzmetinen habarlandy.
«Memlekettik qyzmetterdi tıimdi, ýaqtyly jáne qol jetimdi etý úshin Indýstrııa jáne jańa tehnologııalar mınıstrligi Tehnıkalyq retteý jáne metrologııa komıteti «Ulttyq aqparattyq tehnologııalar» AQ birlesip «E-lıtsenzııalaý» Memlekettik derekter qory» aqparattyq júıesin engizdi. Onda Qazaqstan Respýblıkasynyń Memlekettik Týyn jáne Qazaqstan Respýblıkasynyń Memlekettik Eltańbasyn daıyndaýǵa arnalǵan lıtsenzııany alý úshin azamattardyń ótinishteri qabyldanyp, elektrondyq formatta qarastyrylady», - delingen habarlamada.
Qazirgi ýaqytta, Komıtet joǵaryda kórsetilgen lıtsenzııany berýdi tek elektrondyq formatta www.elicense.kz aqparatttyq portaly arqyly júzege asyrady. Halyq úshin kórsetiletin memlekettik qyzmettiń sapasy men qoljetimdilikti qamtamasyz etý jumystary ári qaraı jalǵastyrylatyn bolady.
