Tý-154 ushaǵynyń ushqyshy «Domodedovo» áýejaıyndaǵy apattyń sebebin aıtty
ASTANA. 6 jeltoqsan. QazAqparat - «Domodedovo» áýejaıynda jerge qulaǵan Tý-154 ushaǵynyń ekinshi ushqyshy Mogomed Shamalov apattyń sebebin atady, dep habarlady Lifenews.ru saıty.
Ushqysh, jerdegilerdiń dvıgatelge arnalǵan «Arktık» suıyqtyǵyn quıýdy umytyp ketkenderine 100 paıyzǵa senimdi. Bul suıyqtyq otyndy qatyrmaý úshin quıylady. Mine, sonyń saldarynan dvıgatelder birinen keıin biri isten shyqqan, dep sanaıdy Shamalov. Ushqysh, kináni ekıpajǵa jaýyp otyrǵan resmı tulǵalardyń málimdemelerin úzildi-kesildi aıyptady. «Olar aıtsa, aıta bersin. Biz opat bolǵan joqpyz, eń bastysy osy. Olar kináni bizdiń moınymyzǵa júkteı almaıdy», dep málim etti ushqysh.
Esterińizge sala keteıik, ótken senbi kúni ushaq jerge qonar kezde oryn alǵan apattyń saldarynan 2 adam kóz jumyp, birneshe ondaǵan jolaýshy jaralanǵan bolatyn.
