Tý-154 ushaǵynyń apaty Sochıdiń týrızm salasyna áser ete me
ASTANA. QazAqparat - Tý-154 ushaǵy qulaǵan soń ınternette áýe qozǵalystarynyń qaýipsizdigi máselesi qyzý talqylana bastady. Bul negizinen kópshilik memleket ókilderiniń Sochıge jańajyldyq joldamalardy alyp qoıýymen baılanysty bolyp otyr.
Máskeýdiń týrızm agenttigi ókilderiniń biri osy oqıǵaǵa baılanysty joldamadan bas tartý áreketteriniń bolmaǵandyǵyn, alaıda kópshilik tarapynan bolǵan jaǵdaıǵa alańdap habarlasýshylar tarapynan soǵylǵan qońyraýlardyń kóp bolǵandyǵyn aıtty.
Mamandardyń pikirlerinshe, osyǵan deıingi bolǵan áýe apattarynyń tájirıbesi qaıǵyly oqıǵanyń áserinen ajyraý úshin azamattarǵa keminde eki apta ýaqyt kerek ekendigin kórsetip otyr.
Degenmen, týrızm naryǵy ókilderiniń aıtýynsha, týrıster sanynyń kemı túsý jaǵdaıy aldaǵy ýaqytta bolýy múmkin. Al, qazirgi jaǵdaı ózgerissiz qala bereri anyq. Óıtkeni azamattardyń kópshiligi joldamalaryn alyp qoıǵan. Mereke bolsa taıap qaldy. Jańa jylǵa bir-eki kún qalǵanda qandaı da bir ózgeris bola qoımaıtyny anyq.
Onyń ústine joldama qaıtarylǵan jaǵdaıda onyń aıyppulyn tóleý qajet bolady. Al, merekeniń qarsańynda aldyn ala belgilengen josparlaryn buzyp, merekelik kóńil-kúıdi buzýǵa eshkim de múddeli emes.
