Tý-142 ushaǵynyń iri synyqtary tabyldy
ASTANA. Qarashanyń 10-y. QazAqparat - Tynyq muhıt flotynyń kemeleri Habarov ólkesiniń jaǵalaýynda Tatar buǵazynda ótken juma kúni apatqa ushyraǵan Tý-142 áskerı ushaǵynyń iri synyqtaryn tapty.
Tótenshe jaǵdaılar mınıstrliginiń aqparaty boıynsha, sý astynan fıýzelıajdyń 6 úlken synyǵy kóterilgen, dep habarlaıdy «Azattyq» radıosy.
Buǵan deıin oqıǵa ornynda ekıpaj músheleriniń deneleri tabylǵan bolatyn. Olar sot-medıtsınalyq saraptamasyna jóneltiledi.
Jattyǵý kezinde apatqa ushyraǵan áskerı ushaqtyń bortynda ekıpajdyń 11 múshesi bolǵan. Aldyn ala málimetter boıynsha, apatqa tehnıkalyq aqaý sebep bolǵan.
