Ttarıhshy Anatolıı Olovıntsovtyń "Tıýrkı ılı mongoly ? epoha Chıngıshana" atty kitabi jaryq kórdi
ALMATY. 23 qyrkúıek. QazAqparat /Názıra Eleýhan/ - Búgin Almatyda D. Qonaev atyndaǵy murajaı úıinde professor, tarıhshy Anatolıı Olovıntsovtyń " «Tıýrkı ılı mongoly ?» epoha Chıngıshana" atty kitabiniń tusaýkeser rásimi bolyp ótti.
Kitaptyń tanystyrylymyna ǵalymdar, tarıhshylar jáne qoǵam qaıratkerleri qatysty.
Basylym "Fılıppova O.A" baspasynda 250 danamen jaryq kórdi. Kitap 13-14 ǵasyr aralyǵyndaǵy monǵol ımperııasynyń tarıhyn qamtyǵan, ıaǵnı búgindegi onyń aýmaǵyna kirgen zamanaýı Qazaqstan, Reseı, Ortalyq Azııa jáne taǵy da basqa elderdiń tarıhyn baıandaıdy.
Sharanyń ashylýynda Anatolıı Olovıntsov kitaby jaıly qysqasha toqtalyp ótip, jurt nazaryna HІІІ-HHІ ǵ.ǵ. Shyńǵyshannyń geologııalyq shejiresin jasap usyndy. Bul shejireni Qazaqstannyń ǵalymdary barlyq shet elderde ǵylymı túrde dáleldengen shejire retinde paıdalanyp keledi.
"Oqyrmandar bul kitaptan Shyńǵyshan degen kim, onyń naǵyz kelbeti qandaı bolǵan, túrki halqynyń Shyńǵyshan ımperııasyndaǵy qalyptasýdaǵy róli, jarty álemdi jaýlap alǵan Shyńǵyshannyń áskerı joryqtary jaıynda, Shyńǵyshannyń sol zamanda qandaı zańdar shyǵarǵany jaıynda, sonymen qatar, túriktiń alǵashqy aqsha qaǵaz túrinde shyǵarylǵanyn, monǵoldar men jońǵarlardyń shyǵý tegi jaıynda, jalpy 13-14 ǵasyr aralyǵyndaǵy monǵol ımperııasynyń tarıhyn oqyp bile alady",-dedi kitap avtory.
Bunymen qatar, kitapta 13-14 ǵasyrdaǵy monǵoldardyń jazba derekteri keltirilgen, onda avtor tuńǵysh ret monǵol ımperııasynyń memlekettik tili túrik tili dep dáleldep otyr. Buǵan baılanysty ol birneshe derektermen sýretterdi dáleldep usyndy.
Anatolıı Olovıntsov - halyqaralyq dárejede moıyndalǵan «Chıngızıdy» (2010g.) atty kitaptyń avtory bolyp tabylady.
