Tsıýrıh áýejaıy josparlanbaǵan reısterdi ýaqytsha toqtatty

ASTANA. KAZINFORM – Tsıýrıh halyqaralyq áýejaıy Davostaǵy Dúnıejúzilik ekonomıkalyq forýmnyń ótkizilýine baılanysty 24 qańtardyń keshine deıin qosalqy aerodrom retinde josparlanbaǵan reısterdi ýaqytsha toqtatady, dep habarlaıdy TASS aqparat agenttigi.

Bul týraly áýejaıdyń dıspetcherlik qyzmeti habarlady.

- Áýejaı búkilálemdik ýaqyt boıynsha saǵat 16:00-ge deıin (Astana ýaqytymen saǵat 22:00) forýmǵa baılanysty qosalqy aerodrom retinde jospardan tys nemese kommertsııalyq emes reısterdi qabyldamaıdy, - dep naqtylady agenttik derekkózi.

Ol sheteldik delegatsııalar men joǵary laýazymdy qonaqtardyń kópshiligi Tsıýrıh arqyly keletinin atap ótti.

Sheteldik delegatsııalar men joǵary laýazymdy qonaqtardyń kópshiligi Tsıýrıh arqyly kelip otyrmaq.

Dúnıejúzilik ekonomıkalyq forým – jyl saıyn bıznes kóshbasshylaryn, saıası qaıratkerlerdi jáne ártúrli salalardaǵy sarapshylardy biriktiretin shveıtsarııalyq úkimettik emes uıym.

2026 jyldyń 19-23 qańtar aralyǵynda ótetin kezdesýdiń negizgi taqyryby – «Dıalog rýhy». Іs-shara dúısenbi kúni keshke birneshe «Gremmı» syılyǵynyń ıegeri Djon Batısttiń óner kórsetýimen ashylady.

Buǵan deıin Donald Tramp «Álem keńesi» jarǵysyna 22 zańtar kúni Davosta qol qoıýdy josparlap otyrǵanyn jazǵan bolatynbyz.

Uıymnyń turaqty múshesi mártebesin alý úshin AQSh ákimshiligi memleketterden alǵashqy jyl ishinde keminde 1 mlrd dollar kóleminde jarna aýdarýdy talap etip otyr.