Tisterge mıllıardtar ketti: Zeınetaqy esebinen emdelýge resmı shekteý qoıyldy
ASTANA. KAZINFORM — Tis emdeýge zeınetaqydan aqsha alý jıi teris paıdalanylǵandyqtan, Densaýlyq saqtaý mınıstrligi bul múmkindikti alyp tastady, dep habarlaıdy DSM baspasóz qyzmeti.
Stomatologııalyq qyzmetterge aqy tóleý túrindegi Zeınetaqy jınaqtaryn zańsyz shyǵarýdyń kóptegen faktisine baılanysty densaýlyq saqtaý mınıstrligi 2021 jylǵy 15 aqpandaǵy «emdelýge birjolǵy zeınetaqy tólemderin paıdalaný qaǵıdalaryn bekitý týraly» buıryqqa ózgerister engizedi.
— Jobada protezdeý jáne tisterdi ımplantattaý sııaqty stomatologııalyq qyzmetterge birjolǵy zeınetaqy tólemderin paıdalaný jónindegi normany alyp tastaý kózdeledi. Sheshim medıtsınalyq qujattardy falsıfıkatsııalaý jáne zeınetaqy jınaqtaryn maqsatsyz paıdalanýdyń kóptegen jaǵdaıyna baılanysty, — delingen qujat jobasynda.
Stomatologııalyq qyzmetterge aqy tóleýge berilgen ótinimderdi taldaý qorytyndysy boıynsha azamattar qarajatynyń bir bóligi alaıaqtyq shemalar arqyly birqatar klınıkanyń paıdasyna shyǵarylǵanyn habarlaǵan bolatyn.
Osyǵan baılanysty, bıylǵy jyldyń 15 qyrkúıeginen bastap bank zeınetaqy qarajatynyń esebinen medıtsınalyq kómektiń osy túrin qarjylandyrýǵa ótinimderdi qabyldaýdy toqtatylǵanyn aıta ketý kerek.
Otbasy bankiniń aqparaty boıynsha, 2021 jyldan bastap 2025 jylǵy 20 tamyzǵa deıingi kezeńde platforma arqyly enpf-otbasy.kz tek «stomatologııalyq qyzmetter «maqsaty boıynsha 757 mlrd teńge somasyna 795 424 tranzaktsııa júrgizildi. Taldaý kórsetkendeı, 222 mlrd teńgeden astam qarajat TOP-20 stomatologııalyq klınıkaǵa jiberildi. Negizgi klınıkalardyń bóligi Qazaqstannyń iri qalalarynda ornalasqan. Atalǵan kezeńde Otbasy bankine 29 797 ótinim berildi, onyń 88,3%-y nemese «stomatologııalyq qyzmetter» maqsaty boıynsha 26 312 ótinim berilgen. Usynylǵan ózgerister ashyqtyqty arttyrýǵa jáne densaýlyq saqtaý salasynda qarajattyń maqsatty qoldanylýyn qamtamasyz etýge baǵyttalǵan.
Aıta keteıik, Qazaqstanda stomatologııalyq qyzmetterge aqy tóleý úshin zeınetaqy jınaqtaryn paıdalanýǵa ótinishter qabyldaý toqtatyldy. Shekteý 15 qyrkúıekten bastap kúshine endi.
Jaqynda Atyraýda Qarjylyq monıtorıng agenttiginiń (QMA) qyzmetkerleri zeınetaqy jınaqtaryn stomatologııalyq klınıkalar arqyly zańsyz qolma-qol aqshaǵa aınaldyrý deregine baılanysty aýqymdy operatsııa júrgizip jatqanyn jazǵan edik.