TsP-fýtboldan Qazaqstan ulttyq quramasy alǵash ret álem chempıonatyna qatysady
ASTANA. KAZINFORM - TsP-fýtboldan Qazaqstan ulttyq quramasy tarıhta tuńǵysh ret tserebraldy sal aýrýyna shaldyqqan sportshylar arasyndaǵy álem chempıonatyna qatysady. IFCPF Men’s World Championships 2026 týrnıri Anglııanyń Lafboro qalasynda ótedi.
Qazaqstan fýtbol federatsııasynyń habarlaýynsha álem chempıonaty 2026 jyldyń 15-24 tamyzy aralyǵynda ótedi. Jarysty Halyqaralyq TsP-fýtbol federatsııasy ótkizedi.
Bul – TsP-fýtboldan Qazaqstan ulttyq quramasy úshin úlken tarıhı beles. Komanda alǵash ret álem chempıonatynda el namysyn qorǵaıdy. Bul jarys oıynshylarǵa halyqaralyq deńgeıde tájirıbe jınap, óz múmkindikterin álemdik arenada kórsetýge múmkindik beredi.
Álem chempıonatyna attanar aldynda TsP-fýtboldan Qazaqstan ulttyq quramasy Astanada oqý-jattyǵý jıynyn ótkizedi. Daıyndyq barysynda bapkerler shtaby komandamen sońǵy pysyqtaý jumystaryn júrgizip, álemdik dodaǵa jan-jaqty ázirlenedi.
Osyǵan deıin qazaqstandyq komandalardyń dron-fýtboldan halyqaralyq týrnırdiń úzdik ondyǵyna engeni týraly jazdyq.
