«TsON» mobıldi qosymshasynda «Kólik tarıhy» qyzmeti iske qosyldy

ASTANA. KAZINFORM – Osy arqyly kólik jaıly tolyq aqparatty bilýge bolady. Bul týraly «Azamattarǵa arnalǵan úkimet» memlekettik korporatsııasy habarlady.

Ol úshin JSN men telefon nómirińizben kirip, VIN-kodty engizý jetkilikti. Osylaısha, qyzmet sizge daıyn anyqtama beredi.

Bir tekseristiń baǵasy – 500 teńge. Sondaı-aq, basqa da tıimdi usynystar bar: 10 tekseris – 4500 teńge, 20 tekseris – 8000 teńge.

Bul qyzmet kólik alarda qaýipsizdikti kúsheıtip, alaıaqtyqtan saqtanýǵa kómektesedi.

Aıta keteıik, bıylǵy tamyz aıynda Qazaqstanda 159,5 myń avtokólik quraly tirkeldi. Olardyń 15,2 paıyzy alǵash ret esepke qoıylǵan.

Eldegi kólikterdiń jartysy 20 jyldan beri qoldanysta júr.

Qazaqstanda kólik jóndeý qyzmetiniń quny qansha ekenin jazǵan bolatynbyz.