«TsON» mobıldi qosymshasynda elektrondy senimhat rásimdeý boıynsha jańa servıs iske qosyldy

ASTANA.KAZINFORM — Memlekettik korporatsııa «TsON» mobıldi qosymshasynda elektrondy senimhat rásimdeý boıynsha jańa servısti iske qosty. Bul týraly «Azamattarǵa arnalǵan úkimet» Memlekettik korporatsııasynyń baspasóz qyzmeti málim etti.

— Bul senimhat arqyly azamattar MHQKO-dan daıyn qujattardy ala alady, kólik quraldaryn tirkeýdi jáne tirkeýden shyǵarý qyzmetin, sondaı-aq tehnıkalyq pasporttar men memlekettik nómir belgileriniń telnusqalaryn rásimdeı alady, — delingen habarlamada.

Senimhatty rásimdeý birneshe mınýtty qajet etedi jáne elektrondyq tsıfrlyq qoltańba arqyly kýálandyrylady.

Memlekettik korporatsııanyń dereginshe, qyzmet baǵasy — 500 teńge.

Aıta keteıik, eGov jáne memlekettik servısterge kirý qaýipsizdigi kúsheıtildi.