Tisin emdetken 3 jasar qyz ólimi: Stomatologııalar jappaı tekserile me
ASTANA. KAZINFORM — Densaýlyq saqtaý mınıstrligi elimizdegi stomatologııalardy jappaı tekserýdi josparlap otyrǵan joq. Bul týraly búgin Densaýlyq saqtaý birinshi vıtse-mınıstri Tımýr Sultanǵazıev aıtty.
Májilistiń jalpy otyrysynan keıin BAQ ókilderi vıtse-mınıstrden Astanadaǵy Dent-Park klınıkasynda 3 jasar qyzdyń ólimine baılanysty stomatologııalardy jappaı tekserý múmkindigin suraǵan edi.
— Árıne, bul óte soraqy ári rezonansty oqıǵa. Nebári 3 jastaǵy sábı, obal. Eń aldymen, Densaýlyq saqtaý mınıstrligi kóńil aıtady. Ekinshiden, sot-medıtsınalyq saraptamany Ádilet mınıstrligi janynda, sot-medıtsınalyq saraptama organdary júrgizedi. Bul rette belgili bir tekseristi shynaıy júrgizý úshin Densaýlyq saqtaý mınıstrliginiń sarapshylary tartylmaıdy. Stomatologııalyq klınıkalardy jappaı tekserýge qatysty aıtar bolsam, búginde mundaı josparymyz joq. Tekserý Kásipkerlik kodeksine sáıkes júzege asyrylady, — dedi Tımýr Súleımenov.
Aıta ketelik BJZQ-dan 46 mlrd teńge jymqyrǵan jalǵan stomatologııalardyń bir ıesi ustalǵan edi.