Tsıntsınnatı týrnıri: Elena Rybakına kambekpen úshinshi aınalymǵa shyqty

ASTANA. KAZINFORM — Qazaqstannyń birinshi, álemniń 10-raketkasy Elena Rybakına Tsıntsınnatı (AQSh) WTA 1000 týrnırin jeńispen bastady.

Qazaqstandyq tennısshi ekinshi aınalymda WTA reıtıngisinde 70-orynda turǵan meksıkalyq Renata Sarasýanyń mysyn basty.

Rybakına matchty sátsiz bastap, alǵashqy partııany berip qoıdy – 4:6.

Budan keıin kambek jasaǵan qazaqstandyq sportshy oıyndy óz paıdasyna sheshe bildi – 6:0, 7:5.

Eki saǵat 22 mınýtqa sozylǵan tartysty básekede Rybakına 14 eıspen birge 16 breık-poınttyń tek tórteýin paıdalandy. Sarasýa 3 eıs, 1 breıkpen (8 breık-poınt) kózge tústi.

Elena Rybakına tórtinshi aınalymǵa shyǵý úshin álemniń 22-raketkasy, belgııalyq Elıse Mertenspen talasady. Ol reıtıngide 211-satydaǵy amerıkalyq, 19 jastaǵy Klervı Ngýnýdy kambekpen utty - 3:6, 7:6 (7:3), 7:5. Bul match 2 saǵat 38 mınýtta bitti.

Qazaqstannyń juptyq syndaǵy birinshi raketkasy Anna Danılına serbııalyq Aleksandra Krýnıchpen birge alǵashqy aınalymda chehııalyq Barbora Kreıchıkova – latvııalyq Elena Ostapenkodan óte almady – 6:4, 2:6, 8:10.

Saǵat jarymǵa jýyq ýaqytqa sozylǵan básekede Danılına – Krýnıch 3 eıspen, 2 breıkpen (3 breık-poınt) kózge tústi.

Eske sala keteıik, budan buryn Tımofeı Skatovtyń Germanııadaǵy jarysta sensatsııa jasap, fınalǵa ótkenin jazǵan edik.