Tsıntsınnatı masters týrnıri: Aleksandr Shevchenko irikteý saıysynyń fınalyna shyqty
ASTANA. KAZINFORM — Qazaqstandyq tennısshi, álemniń 89-raketkasy Aleksandr Shevchenko Tsıntsınnatı (AQSh) masters týrnıriniń irikteý saıysyn sátti bastady.
Qazaqstandyq tennısshi irikteý saıysynyń jartylaı fınalynda álemniń 127-raketkasy, ıspanııalyq Pablo ıAmas Rýısqa tap keldi.
A.Shevchenko 6:3, 6:4 esebimen senimdi jeńiske qol jetkizdi.
Saǵat jarymǵa jýyq ýaqytqa sozylǵan básekede Shevchenko 10 eıspen birge 6 breık-poınttyń ekeýin qur jibergen joq.
Aleksandr Shevchenko irikteý saıysynyń fınalynda álemniń 133-raketkasy, aýstralııalyq Krıstofer O’Konnelmen oınaıdy. Ony jeńse, negizgi jarysqa joldama alady.
Masters sanatyna jatatyn Tsıntsınatı dodasy 13-23 tamyz aralyǵynda ótedi.
Júlde qory 9,4 mln AQSh dollaryna baǵalanǵan jarysqa Qazaqstannyń birinshi, álemniń 11-raketkasy Aleksandr Býblık qatyspaıdy.
Eske sala keteıik, budan buryn Prezıdent kýbogynda Beıbit Juqaevtyń Astanadaǵy týrnırde Ámir Omarhanovty jeńgenin jazǵan edik.
