Tsıntsınnatı masters týrnıri: Aleksandr Shevchenko irikteý saıysynyń fınalyna shyqty

ASTANA. KAZINFORM — Qazaqstannyń ekinshi, álemniń 101-raketkasy Aleksandr Shevchenko Tsıntsınnatı (AQSh) ATP 1000 týrnıriniń irikteý saıysyn jeńispen bastady. 

Іrikteý synynyń 8-raketkasy bolyp tirkelgen qazaqstandyq tennısshi bastapqy kezdesýinde reıtıngide 301-oryndaǵy amerıkalyq Taıler Zınktiń mysyn basty.

Birinshi partııada taı-breıkte Shevchenko sátti oınady — 7:6 (7:2).

Ekinshi sette Aleksandr Shevchenko qos birdeı matchbolyn paıdalana almady — 6:7 (8:10). Degenmen úshinshi, sheshýshi partııada jeńisti julyp aldy — 6:3.

Eki saǵat 38 mınýtqa sozylǵan tartysty básekede Shevchenko 15 eıspen birge 5 breık-poınttyń úsheýin óz esebine jazdy. Zınk 8 eıs, 1 breıkpen (7 breık-poınt) shekteldi.

Aleksandr Shevchenko irikteý saıysynyń fınalynda álemniń 134-raketkasy, kolýmbııalyq Danıel-Elaı Galanmen sheberlik baıqasady. Ony jeńse, negizgi dodaǵa joldama alady.

Taǵy bir qazaqstandyq, álemniń 195-raketkasy Mıhaıl Kýkýshkın irikteýdiń jartylaı fınalynda reıtıngide 114-satydaǵy amerıkalyq Emılıo Navamen oınaıdy. 

Eske sala keteıik, budan buryn Jibek Qulambaevanyń Serbııadaǵy jarysty sátti bastaǵanyn jazǵan edik.