Tsıfrlyq júrgizýshi kýáligi jaramdy ma – ІІM jaýaby

ASTANA. KAZINFORM — Jol polıtseıi toqtatqan jaǵdaıda, zańdy ókilge júrgizýshi kýáliginiń elektrondy nusqasyn usyný zańǵa qaıshy ma? Atalǵan jaıtqa qatysty Іshki ister mınıstrligi resmı jaýap berdi.

— «Jol júrý erejesi týraly» zańnyń 54-baby 3-tarmaǵyna sáıkes, mehanıkalyq kólik quralyn basqarǵan júrgizýshi ózimen birge júrgizýshi kýáligin nemese ýaqytsha berilgen kýálikti alyp júrýge mindetti. Sonymen qatar ishki ister, kólik baqylaý jáne memlekettik kirister organynyń ýákiletti ókili atalǵan qujatty tekserýge mindetti. Atalǵan talap júrgizýshiniń jeke basyn kýálandyratyn qujaty bolǵan jaǵdaıda Qazaqstan Respýblıkasynda berilgen kýálikterge qoldanylmaıdy, — dep túsindirilgen qujatta. 

Degenmen elimizde elektrondyq qujat rásimi bar, oǵan sáıkes:

— «Elektrondyq qujat jáne elektrondyq tsıfrlyq qoltańba týraly» zańnyń 8-babyna sáıkes, memlekettik nemese memlekettik emes aqparattyq júıede saqtalatyn elektrondyq qujattar tsıfrlyq servıs arqyly paıdalanylýy jáne usynylýy múmkin. Osy oraıda, júrgizýshi jeke basyn kýálandyratyn qujat bolǵan jaǵdaıda, júrgizýshi kýáligin tsıfrlyq formatta kórsetý zańǵa qaıshy emes, — deıdi quzyrly organnan.

Aıta keteıik, endi júrgizýshi kýáligin alatyndar 073/e anyqtamasyn qaǵaz túrinde tapsyrmaıdy. 

Eske salaıyq, Senat depýtaty Marat Qojaev Qazaqstanda júrgizýshi kýáligin alý tártibin ózgertýdi usynǵan edi.