Tsıfrlyq teńgeni engizýge qansha qarajat jumsalady - Ulttyq bank jaýaby
ASTANA. KAZINFORM – 2025 jyldyń sońyna deıin Qazaqstanda tsıfrlyq teńgeni tolyqtaı engizý josparlanyp otyr. Jobany iske asyrýǵa qansha qarjy jumsalady? Saýalǵa Ulttyq bank tóraǵasy Tımýr Súleımenov jaýap berdi.
«Ótken jyldyń jeltoqsanynda birneshe ondaǵan myń tranzaktsııa jasaldy. Pılottyq rejımnen ótip, tsıfrlyq teńgeni tolyq aınalymǵa engizý úshin úırenip, tájirıbe jınap, qatelikterdi eskerip jatyrmyz. Qarjyǵa kelsek, bizde tsıfrlyq teńgeni engizýge arnaıy aqsha qarastyrylmaǵan, - dedi Tımýr Súleımenov bankte ótken baspasóz máslıhatynda.
Onyń aıtýynsha, pılottyq jobaǵa 4 bank qatysyp jatyr. Sondaı-aq T. Súleımenov jalpy tólem júıesimen Ulttyq tólem korporatsııasy aınalysatynyn aıtty.
«Biz qarjylandyramyz, biraq belgili bir bóligin korporatsııa óz esebinen óteıdi. Tsıfrlyq teńgege qosymsha aqsha bólgen joqpyz. Bul korporatsııanyń kommertsııalyq sharýashylyq qyzmetiniń sheńberinde», - dedi Ulttyq bank basshysy.