Tsıfrlyq teńge jemqorlyqqa qalaı tosqaýyl bolady – Ulttyq bank basshysy

ASTANA. KAZINFORM — Ulttyq bank tóraǵasy Tımýr Súleımenov 100 iri jobany tsıfrlyq teńgemen qarjylandyrý sybaılas jemqorlyqqa qalaı tosqaýyl bola alatynyn túsindirdi.

— Tsıfrlyq teńgeni engizýdegi basty maqsat ta, ony qoldanýǵa eń tıimdi orta da memlekettik qarajat. Bul aqshany aldyn ala baǵdarlamalap baryp shyǵaramyz. Ol baǵdarlamada tsıfrlyq teńgeni qolma-qol aqshaǵa aınaldyrýdyń sharttary bekitiledi. Ol sharttan basqa maqsattarǵa bul aqshany qoldaný múmkin emes, — dedi ol.

Tımýr Súleımenov qazirdiń ózinde birneshe iri joba pılottyq rejımde tsıfrlyq teńgemen qarjylandyrylyp jatqanyn aıtty. 

— Ol aqshany naryqqa shyǵara almaısyń, oǵan valıýta satyp ala almaısyń, shetelge shyǵara da almaısyń. Mysaly, temir jol salýǵa paıdalanyp bastadyq. Ol aqshaǵa rels satyp alýyma bolady. Odan basqa maqsatqa jumsaı almaımyn. Keıde bıýdjetten bólingen aqshaǵa qurylys materıalyn satyp alý kerek bolǵanymen, basqa maqsatqa jumsalyp ketip jatady ǵoı. Tsıfrlyq teńgemen ondaı isteý múmkin emes, — dedi Ulttyq bank basshysy.

Eske salsaq, Oljas Bektenov 100 iri jobany tsıfrlyq teńgege kóshirýdi tapsyrdy.