Tsıfrlyq shtab Prezıdent Joldaýyn oryndaý úshin birqatar sheshim qabyldady

ASTANA. KAZINFORM — Premer-mınıstr Oljas Bektenovtyń tóraǵalyǵymen Tsıfrlyq shtabtyń otyrysy ótti. Bul týraly Úkimettiń baspasóz qyzmeti málim etti.

Onda Memleket basshysy Qasym-Jomart Toqaevtyń «Jasandy ıntellekt dáýirindegi Qazaqstan: ózekti máseleler jáne ony túbegeıli tsıfrlyq ózgerister arqyly sheshý» atty Qazaqstan halqyna Joldaýynda qoıǵan mindetterge nazar aýdaryldy.

— Memleket basshysy tsıfrlyq qalypqa kóshý arqyly ekonomıkanyń barlyq salalaryn jańǵyrtý mindetin qoıdy. Sondyqtan JI engizý naqty nátıjege baǵyttalýy tıis, — dep atap ótti Oljas Bektenov.

Otyrys qorytyndysy boıynsha biryńǵaı ulttyq tsıfrlyq júıeni qurýǵa baǵyttalǵan birqatar sheshimder qabyldandy.

Memlekettik organdarǵa kelesideı tapsyrmalar berildi:

• osy jyldyń 15 qarashasyna deıin densaýlyq saqtaý salasynyń basym baǵyttaryna NQA-ǵa tıisti ózgerister engize otyryp, otandyq startaptardyń sheshimderin engizýdi qamtamasyz etý;
• osy jyldyń 20 jeltoqsanyna deıin densaýlyq saqtaý salasyndaǵy 7 ártúrli aqparattyq júıeni Qaztech bazasyndaǵy ıntegratsııalanǵan 2 platformaǵa biriktirý;
• osy jyldyń 1 jeltoqsanynan bastap elektr jáne jylý jelilerin dıagnostıkalaý úshin jasandy ıntellekti tehnologııalaryn engizý;
• osy jyldyń 20 jeltoqsanyna deıin eldiń otyn-energetıkalyq kesheninde Salalyq aqparattyq qaýipsizdik ortalyǵynyń jumysyn qamtamasyz etý tapsyryldy.

***

Energetıka salasyna jasandy ıntellekti tehnologııalaryn engizý, elektr jáne jylý jelilerin dıagnostıkalaý úshin drondardy paıdalaný aqaýlardy dál anyqtaı otyryp, obektilerdi qysqa merzimde tolyq tekserýdi qamtamasyz etýge múmkindik beredi. Qalalyq ınfraqurylymdy tekserý úshin qubyrlardyń boıymen qozǵalý úshin qajetti datchıktermen jabyqtalǵan arnaıy qurylǵylardy paıdalaný jáne ınfraqurylymnyń qazirgi jaǵdaıyn ishki jaǵynan tekserý josparlanýda. Bul sharalar monıtorıngke, ýaqtyly den qoıýǵa, aqaýlardyń biryńǵaı bazasyn jáne synı dárejelerge bólingen jóndeý josparlaryn qalyptastyrýǵa baǵyttalǵan. Jasandy ıntellektini engizý eńbek shyǵyndaryn azaıtady, energııamen turaqty jabdyqtaýǵa jáne jylytý maýsymynyń oıdaǵydaı ótýine yqpal etedi.

Salalyq aqparattyq qaýipsizdik ortalyǵyn qurý energetıkalyq júıeniń kıberqaýipsizdik salasyndaǵy sharalaryn kúsheıte túsedi. Ortalyq mamandary salanyń aqparattyq qaýipsizdigin qamtamasyz etý úshin onyń ereksheligin eskere otyryp, energetıkalyq obektilerge qoıylatyn jańa talaptardy ázirleıtin bolady.

Buǵan deıin Úkimet Joldaýdy iske asyrý boıynsha eldiń ekonomıka blogyna 10 naqty tapsyrma júktegenin jazǵan edik.