Tsıfrlyq monıtorıng: órt qaýipsizidigin baqylaıtyn arnaıy shtab jumys isteıtin bolady
ASTANA. KAZINFORM — Bıyl 1 sáýirden bastap QR Ekologııa jáne tabıǵı resýrstar mınıstrliginiń Respýblıkalyq jedel basqarý ortalyǵynda kúndelikti kezekshilik uıymdastyrylyp, qajet bolǵan jaǵdaıda táýlik boıy jumys isteý rejımine kóshý múmkindigi qarastyrylady.
QR Tótenshe jaǵdaılar mınıstrliginiń Strategııalyq josparlaý jáne jedel basqarý ortalyǵynda jedel shtab qurylyp, jumys istep tur. Bul týraly Orman sharýashylyǵy jáne janýarlar dúnıesi komıteti tóraǵasynyń m. a. Maqsat Elemesov OKQ alańyndaǵy baspasóz konferentsııasynda málimdedi. «Qazirgi ýaqytta táýlik boıy múddeli uıymdardyń ókilderi kezekshilik atqarýda. Olardyń qatarynda
— Qazavıaormanqorǵaý» RMQK Respýblıkalyq dıspetcherlik qyzmeti, «Qazgıdromet» RMK, «QazAvtoJol» AQ, Densaýlyq saqtaý mınıstrligi, Apattar medıtsınasy ortalyǵy jáne «Qazaqstan Ǵarysh Sapary» AQ bar. Órtti erte anyqtaý júıesiniń kameralary jáne mchs.gharysh.kz geoservısi arqyly el aýmaǵyndaǵy órt jaǵdaıyna turaqty monıtorıng júrgiziledi. Nátıjesinde týyndaǵan órt oshaqtaryna jedel áreket etý qamtamasyz etiledi, — dedi spıker.
Aıta ketıeik, órt qaýipi bar maýsymǵa 7 myńnan astam maman jumyldyryldy.
