Tsıfrlyq qosylǵan qun salyǵynyń qandaı artyqshylyqtary bar

ASTANA. KAZINFORM — Elimizde qosylǵan qun salyǵyn tsıfrlyq teńgemen tóleýge bolady.

Цифрлық теңге
Фото: DALL-E

Atalǵan pılottyq jobany Memlekettik kirister komıteti Ulttyq bankpen birlesip qolǵa aldy. 

— Tsıfrlyq teńge — ulttyq valıýtanyń jańa sandyq túri, ol blokcheın tehnologııasy arqyly iske asyrylady jáne aqshany arnaıy maqsatta paıdalanýǵa múmkindik beredi. Pılottyq jobaǵa qatysý úshin eksporttaýshy-kompanııa banktiń qatysýymen Ulttyq bankten qosylǵan qun salyǵy tańbalanǵan tsıfrlyq teńgeni satyp alady, — dep habarlaıdy kirister komıtetinen.

Aıta ketý kerek, qosylǵan qun salyǵy tańbalanǵan tsıfrlyq teńgemen tek bıýdjet jáne jetkizýshilermen esep aıyrysýǵa bolady. Ózge maqsatta qoldanýǵa nemese qolma-qol aqshaǵa aınaldyrýǵa ruqsat joq. 

— Tsıfrlyq teńge arqyly júrgizilgen barlyq tranzaktsııa, sondaı-aq jetkizýshiler boıynsha qosylǵan qun salyǵy qozǵalysy men bıýdjetke túsken qarajat týraly aqparat Ulttyq bank arqyly memlekettik kirister organdaryna jetkiziledi. Bul memlekettik kirister organdaryna qysqa ýaqytta qosylǵan qun salyǵyn qaıtarý úshin, sonymen qatar salyqtyq táýekeldi boldyrmaýǵa múmkindik beredi, — delingen habarlamada.

Tsıfrlyq teńgeni bızneste paıdalanýdyń negizgi artyqshylyqtary:

— QQS qaıtarý merzimi 55-75 kúnnen 15 jumys kúnge deıin qysqarady;
— salyqtyq tekserýdi, ákimshilik jáne qarjylyq júktemeni azaıtady;
— jedel jáne kepildi qarjy aınalymy, bıznestiń qarjylyq josparlaryn jaqsartady.

Byltyr tórtinshi toqsanda pılottyq jobaǵa qatysýshylarǵa QQS (qosylǵan qun salyǵy) 5 kúnniń ishinde qaıtaryldy. 

Eske sala ketsek, byltyr qosylǵan qun salyǵyn tsıfrlyq teńgemen tóleýge bolatyny týraly habarlaǵan edik. 

Buǵan deıin habarlaǵanymyzdaı elimizde qosylǵan qun salyǵynan bosatylǵan ımporttyq shıkizat jáne materıaldar tizimi keńeıtildi.

Сейчас читают