Tsıfrlyq kodeks jyl sońyna deıin bekitilýi kerek – mınıstrlik mamany

ASTANA. KAZINFORM — Jasandy ıntellekt qandaı da bir quqyqtyq talaptarǵa saı kelmese, onyń óndirýshisi zań aldynda jaýap beredi.

Bul týraly Jasandy ıntellekt jáne tsıfrlyq damý mınıstrligi Aqparattyq qaýipsizdik komıteti tóraǵa orynbasary «Búgin LIVE» baǵdarlamasyna bergen suhbatynda habarlady.

— Jalpy, jasandy ıntellektti qoldaný tek Chat GPT-pen áńgimelesýmen shektelip qalmaıdy. JI-di elimizdegi ekonomıkanyń ár salasyna engizý qajet. Bul zań barlyq baǵyttardy biriktirip, memlekettik organdardy durys jolǵa baǵyttaıdy. Qazirgi tańda birde-bir memlekette jasandy ıntellekttiń jeke zańdy quqyǵy joq. JI — tek adamnyń jasaǵan júıesi, onyń óndirýshisi bar, al óndirýshi zańdyq mindettemelerge jaýapty. Zańnyń negizgi maqsaty — osyny retteý, — deıdi Úmitjan Aryqbekova.

Maman tsıfrlyq kodeks te ázirlenip jatqanyn aıtty.

— JI zańynan bólek, tsıfrlyq kodeks te jasalyp jatyr. Qazirgi kezde ony Májilis qarastyryp jatyr. Ol Senatqa ótip, jyl sońyna deıin bekitilýi kerek. Onda elimizdegi tsıfrlandyrý salasynyń damýyndaǵy, qoldaný baǵytyndaǵy basty ustanymdar kórsetiledi, — deıdi ol.

Aıta keteıik, Parlament kúni keshe jasandy ıntellekt týraly zań qabyldady.